Sosial - Lider.com.az

Sosial - Lider.com.az https://lider.com.az/ tr Sosial - Lider.com.az DataLife Engine Qanun var, cəza isə yoxdur - Qohum nikahları bu gün də davam edir https://lider.com.az/gundem/5395-qanun-var-cza-is-yoxdur-qohum-nikahlari-bu-gun-d-davam-edir.html https://lider.com.az/gundem/5395-qanun-var-cza-is-yoxdur-qohum-nikahlari-bu-gun-d-davam-edir.html Sayara Tue, 18 Nov 2025 10:02:12 +0400

Azərbaycanda 2025-ci il 1 iyuldan etibarən qüvvəyə minən dəyişikliyə əsasən, qohumlar arasında nikah bağlamaq qadağan edilib.

Ancaq gənclər tətbiq edilən qadağaya baxmayaraq müxtəlif üsullarla toy edirlər. Bəziləri rəsmi nikaha girmir, bəzi ailələrdə valideynlər formal olaraq övladlarından imtina edir, bəzən sadəcə dini nikahla kifayətlənirlər və s.

Bəs, həmin şəxsləri hansı cəzalar gözləyir?

Məsələ ilə bağlı hüquqşünas Rəşad Əliyev bildirib ki, qanunda bununla bağlı hər hansı tənzimləmə və ya cəza nəzərdə tutulmayıb.

Ədliyə Nazirliyindən isə bildirilib ki, müvafiq dəyişiklikdən sonra nikah bağlamaq üçün müraciət edən qohumluq əlaqəsi olan vətəndaşlara qeydiyyat şöbələri tərəfindən qanunvericiliyin tələbləri izah edilir.

Bu isə praktikada belə vəziyyət yaradır ki, nikah rəsmiləşməsə də, insanlar birlikdə yaşamaqda, ailə qurmaqda və münasibətlərini davam etdirməkdə sərbəstdir. Hüquqi baxımdan onların qarşısını alan heç bir mexanizm yoxdur.]]>

3 Dekabr - Beynəlxalq Əlilliyi olan Şəxslər Günü ilə əlaqədar Azərbaycanda əlilliyi olan şəxslərə birdəfəlik yardım veriləcək.

Bir dəfəlik yardımın məbləği 30 manat olacaq və yardımın dekabr ayında verilməsi nəzərdə tutulur.

Bəs birdəfəlik yardımı necə almaq olar?

Əlilliyi olan vətəndaşlar müraciət üçün Sosial Xidmətlər Agentliyin filiallarına yaxınlaşa və ya şəxsiyyət vəsiqəsinin surəti və əlilliyi təsdiq edən sənədin əlavə olunduğu ərizələrini Agentliyin sxa@sosial.gov.az elektron ünvanına göndərə bilərlər.

Xatırladaq ki, sözügedən maddi yardımla bağlı müraciətlərə növbəlilik qaydasında baxılacaq.

Qeyd edək ki, 1992-ci ildə BMT Baş Assambleyası qəbul etdiyi Bəyannaməyə görə dekabrın 3-ü "Əlilliyi olan insanların Beynəlxalq günü" kimi qeyd olunur. BMT üzvü olan digər ölkələr kimi bu tarix Azərbaycanda da qeyd olunur.]]>

]]>

Bu gün Lider.com.az saytının redaktoru Sayara Heydarovanın doğum günüdür.

Biz də Lider.com.az adından bu əziz gündə Sayara xanımı səmimi qəlbdən təbrik edirik, ona ailə həyatında xoşbəxtlik, işlərində müvəffəqiyyətlər və yeni yaşında gözəl bir ömür arzu edirik. Yeni ömür səhifəniz xoş, unudulmaz xatirələrlə dolu olsun, sevdiyiniz insanlarla arzuladığınız həyatı yaşayasınız əziz Sayara xanım.

Onu da qeyd etmək lazımdır ki, Sayara xanım Vətənə, Xalqa, Dövlətə və dövlətçiliyə sadiq ictimai xadimdir. Həmçinin Sayara Heydarova Cənab Prezident İlham Əliyevin siyasətini, eyni zamanda Azərbaycanın Birinci vitse-prezidenti və birinci xanımı Mehriban Əliyevanın və onun Azərbaycan mədəniyyətinin dünyada təbliğində, eləcə də mədəniyyətlərarası dialoqun genişləndirilməsində rolunun xüsusi olduğu siyasi təfəkkürünü uğurla davam etdirənlərdəndir.

Biz də möhtərəm Prezidentimizin və birinci vitse-prezidentimizin siyasi kursunun və təfəkkürünün Sayara Heydarova kimi layiqli və uğurlu davamçısının olmasından fəxr və qürur hissi duyuruq. Sayara xanım bir daha Sizi doğum gününüz münasibətilə təbrik edirik və bu cür şərəfli ömür yolunuzda Sizə yeni nailiyyətlər arzulayırıq. ]]>

"Mən, 4 sentyabr 2024-cü il tarixində "Asadzade Sanan" şirkəti ilə müqavilə bağlayıb Honda CRV 2024 model avtomobil sifariş etdim və növbəti gün də avtomobilin tam ödənişini Çinə ödədim. Sifarişin üstündən təxminən 2 həftə keçəndən sonra mənə məlumat verildi ki, bəs həmin maşınla bağlı sifarişlər qəbul olunmur zavod tərəfindən. Səbəbini soruşduqda tutarlı səbəb bildirmədilər və başqa maşın sifariş etməyi təklif etdilər. Əks halda ödənişimin 2 həftə sonra ödənəcəyini bildirdilər.
Mənə BYD model avtomobilin sifariş edilməsini tövsiyyə etdilər. Nə isə, Honda CRV üçün ödədiyim ödənişin əvəzinə birinin Bakı təhvili qiyməti 12700 dollar olmaqla 2 ədəd BYD destroyer 05 sifariş olundu. Üstəgəl hər maşına görə 200 dollar da xidmət haqqı ödəmişəm..." "Dia.az" xəbər verir ki, bunu öz gileyində Zaur Məmmədov adlı paytaxt sakini ifadə edib.
Narazı vətəndaş daha sonra bildirir: "Çatdırılmanın konteynerlə olacağını bildirdilər, amma konteynerlə gətirilən avtomobillərin çatdırılma zamanı konteynerin iç divarlarına dəyərək zədələndiyini əsas gətirərək avtomobilləri avtovozla gətirəcəklərini bildirdilər.
Ödənişimin üstündən 140 gün keçəndən sonra avtomobillər 25 yanvar tarixində Meyvəli terminalına gəlib çatdı. Lakin reklamlarında avtomobillərin maksimum 45-60 gün ərzində ölkəyə çatdırıldığını bildirirdilər.
Üstəgəl də məndən hər maşına görə əlavə 50 manat da avtovoz açılışı üçün ödəniş tələb edildi. Halbuki mən müqavilə bağlayanda konteyner və ya avtovoz açılışı puluna ehtiyac olmayacağı bildirilmişdi.
Daşınma zamanı avtomobillər uzun müddət Xorqosda (Çinin Qazaxstanla sərhədində olan sərhəd-buraxılış məntəqəsi) saxlanıldı. Şirkət tərəfindən sənədləşmə düzgün aparılmadığı üçün çatdırılmanı həyata keçirən qazaxstanlı sürücünün adına etibarnamə yazıb xarici dilə tərcümə etdirib şirkətə təhvil vermişəm. Bundan sonra avtomobillər sərhədi keçə bilib.
Bir sözlə 140 gün ərzində bu şirkət məni çox yordu, dəfələrlə ofislərində oldum, uzun mübahisələrimiz oldu. Amma heç birinin xeyri olmadı.
Təxmini hesablamalarıma görə avtomobillin biri mənə 24500 manata başa gəlir, hazırda bazarda yenisinin satış qiyməti 23500 manatdır.
Sözümün canı odur ki, aşağı qiymətlərə aldanıb "Asadzade Sanan" şirkəti vasitəsilə avtomobil sifariş ETMƏYİN. Əks halda aylarla əsəbləriniz korlanacaq. Dedikləri sözün üstündə dayanmırlar, hər dəfə müxtəlif əsassız bəhanələr gətirib insanı hövsələdən çıxarırlar.
Zəmanətlə bağlı da absurd şərtləri var..."

Dia.az

Lider.com.az]]>

“Sobsan” markası ilə Qafqazın və Azərbaycanın ilk lak – boya istehsalı müəssisəsi olan “Rəmzi-S” MMC ölkədən külli miqdarda pul çıxarmaqda ittiham edilir.
Tribunainfo.az xəbər verir ki, “Rəmzi-S” MMC İnzibatı Xətalar Məcəlləsinin iqtisadi fəaliyyət qaydaları əleyhinə olan 430.4-cü maddəsini pozub. Tələbi pozulan maddəyə əsasən, avans yolu ilə ödənilmiş valyuta vəsaitinin müqabilində müəyyən edilmiş müddətlərdə müvafiq mallar idxal edilmədikdə, işlər görülmədikdə və ya xidmətlər göstərilmədikdə ödənilmiş valyuta vəsaitinin xaricdən geri qaytarılmamasına görə, vəzifəli şəxslər inzibati xətanın bilavasitə obyekti olmuş valyuta vəsaiti məbləğinin on faizindən iyirmi faizinədək məbləğdə, hüquqi şəxslər inzibati xətanın obyekti olmuş valyuta vəsaiti məbləğinin iyirmi faizindən otuz faizinədək məbləğdə cərimə edilir.

“Sobsan”la bağlı iş baxılması üçün Binəqədi rayon Məhkəməsinə göndərilib. 6 fevral tarixində hakim Elçin Ağayevin sədrliyi ilə işə baxılacaq.

Xatırladaq ki, İXM-nin 430.4-cü maddəsinə əsasən, istənilən şirkət, sahibkar müəyyən mal almaq üçün ölkədən pul çıxarırsa, iki il ərzində həmin mal ölkəyə gətieilməlidid. Gətirilmədiyi təqdirdə sifarişi verən şirkət cərimələnir. İki il ərzində mal ölkəyə gəlmirsə, bu sahibkarın ölkədən pul çıxarması anlamına gəlir.
Bu maddənin qısa mahiyyəti belədir, sahibkarlar xaricə pul köçürür ki, nə isə alacaq. O pulu köçürəndən sonra iki il ərzində həmin malı ölkəyə gətirməlidir. Əgər malı ölkəyə gətirmirsə, sahibkar cərimələnir. Yəni bu halda hesab olunur ki, şirkət, sahibkar ölkədən pul, valyuta çıxarıb.

Qeyd edək ki, “Rəmzi-S” MMC 15 noyabr 1999-cu ildə qeydiyyata alınıb. Nizamnamə kapitalı 1 505 630 AZN olan şirkətin qanuni təmsilçisi Allahverdiyev Orxan Rasim oğludur. Şirkətin təsisçisi isə Cavid Səbzəliyevdir. Ümumiyyətlə, bu şirkətin Cavid, Araz və Zöhrab Səbzəliyev qardaşlarına məxsus olduğu deyilir.

Lider.com.az
]]>

Azərbaycan ərazisində yanvarın 31-nə gözlənilən hava şəraiti haqqında proqnoz açıqlanıb.
Lider.com.az xəbər verir ki, bu barədə Milli Hidrometeorologiya Xidməti məlumat yayıb.

Yanvarın son günü Bakıda və Abşeron yarımadasında hava şəraitinin dəyişkən buludlu olacağı, arabir tutulacağı, əsasən, yağmursuz keçəcəyi gözlənilir.

Bildirilib ki, sabah cənub-şərq küləyi əsəcək.

Havanın temperaturu gecə 5-7°, gündüz 8-12° isti olacaq. Atmosfer təzyiqi 771 mm civə sütunu təşkil edəcək. Nisbi rütubət 70-80% olacaq.

Azərbaycanın rayonlarında havanın, əsasən, yağmursuz keçəcəyi gözlənilir. Lakin gündüz bəzi şərq rayonlarında çiskin olacağı ehtimalı var. Bəzi yerlərdə arabir duman olacaq. Şərq küləyi əsəcək.

Havanın temperaturu gecə 2° şaxtadan 3°-dək isti, gündüz 8-13° isti, dağlarda gecə 5-10° şaxta, gündüz 2-7° isti olacaq.]]>

Ulu Öndər Heydər Əliyev hər zaman gəncləri Azərbaycanın gələcəyi adlandıraraq müxtəlif illərdə gənclər siyasətinin ayrı-ayrı istiqamətləri üzrə müvafiq sənədlər imzalayaraq bu işləri daim diqqət mərkəzində saxlayıb. 1993-cu ildə Azərbaycanda yaranan çox mürəkkəb siyasi vəziyyətlə bağlı ölkə ictimaiyəti nümayəndələrinin təkidli tələbi və xahişləri ilə iyunun 15-də Bakı şəhərinə gələn Ulu Öndər yaranmış böhran vəziyyətindən çıxmaq üçün böyük əmək sərf etdi. Belə çətin və ağır günlərdə də o gənclərin yanında oldu, Prezident seçkisi ərəfəsində Ali Sovetdə ölkə gənclərinin nümayəndələri ilə görüşdü.
Ulu Öndər Heydər Əliyevin 1994-cü il 26 iyul tarixli Fərmanı ilə ayrı-ayrı dövlət orqanlarının gənclərlə iş sahəsindəki fəaliyyətini əlaqələndirmək məqsədi ilə Gənclər və İdman Nazirliyi yaradıldı. Yaradılan yeni Nazirlik gənclərlə iş sahəsində vahid dövlət siyasətinin reallaşdırılmasını təmin edən qurum oldu və artıq 31 ildir ki, bu missiyanı uğurla həyata keçirir.
1997-ci il fevralın 2-də Ulu Öndərin imzaladığı Fərmana əsasən, fevralın 2-si Azərbaycan Gəncləri Günü elan edildi. Həmin vaxtdan etibarən bu gün MDB məkanında və Şərqi Avropa ölkələri arasında ilk dəfə olaraq Azərbaycanda təntənəli şəkildə qeyd edilməyə başlanıb. Qısa müddət ərzində “Dövlət Gənclər siyasəti haqqında” Qanun və gənclərin təhsili, hərtərəfli inkişafı ilə bağlı çox saylı Fərman və sərəncamlar, Dövlət Proqramları imzalanıb. 2007-ci il “Gənclər ili” elan edilib, respublikanın şəhər və rayonlarında “Gənclər evi”nin yaradılması prossesi başlanıb. Prezident İlham Əliyev tərəfindən 2011-ci il 19 dekabr tarixində Azərbaycan Respublikasının Prezidenti yanında Gənclər Fondunun yaradılması barədə Sərəncam imzalanıb. Dir sözlə gənclər dövlətin hərtərəfli diqqət və qayğısı ilə əhatə edilib.
Bu gün Azərbaycan gəncliyi özünün ən xöşbəxt və qürurlu Gənclər Gününü qeyd edir. Dəfələrlə Azərbaycan Respublikasının Prezidenti və Müzəffər Ali Baş Komandan İlham Əliyev xüsusi olaraq Azərbaycan gənclərinin, mərd oğullarının qəhrəmanlığını qeyd etmişdir. Qırx dörd günlük müharibə bir qəhrəmanlıq dastanıdır. Şuşanı ağlasığmaz əməliyyatla azad edən ordumuzun əsgər və zabitlərinin mütləq əksəriyyəti gənclərdir. Bir zamanlar uşaq kimi ana qucağında Qarabağdan çıxanlar indi tank üstündə qəhrəman kimi ata-baba torpaqlarına daxil oldular.
2023-cü il sentyabrın 19-da Prezident, Müzəffər Ali Baş Komandan İlham Əliyevin rəhbərliyi ilə şanlı ordumuzun Qarabağ bölgəsində həyata keçirdiyi və cəmi bir gün davam edən zəruri lokal antiterror tədbirlərindən sonra düşmən ağ bayraq qaldıraraq təslim oldu, ordumuzun hissələri vaxtı ilə işğal edilən kənd və yaşayış məntəqələrinə tam nəzarətə aldı. Prezident, Müzəffər Ali Baş Komandan İlham Əliyev oktyabrın 15-də Xankəndidə, Xocalıda, Ağdərədə, Əskəranda və Xocavənddə Azərbaycanın Dövlət Bayrağını ucaltdı. Əzəli düşmən üzərindəki Şanlı Qələbədə əsas nöqtə isə noyabrın 8-də Xankəndi şəhərində keçirilən hərbi parad oldu.
Əlbəttə, qələbələr qurbansız olmur. Canlarını, öz nakam ömürlərini qurban vermiş şəhid gənclərimizin ruhları qarşısında baş əyirəm. Onların əziz xatirələri qədirbilən xalqımızın qan yaddaşında əbədi həkk olunacaqdır.
Bu gün cəmiyyətimizin böyük hissəsini təşkil edən gənclər ölkəmizin həyatında çox önəmli rol oynayır. Azərbaycan gəncləri azad ölkədə yaşayır, sabitlik olan ölkədə yaşayır, özünə güvənən ölkədə yaşayır. Azərbaycanda yüksək intellektual səviyyəyə, vətənpərvərlik hissinə, milli düşüncəyə malik gənclər formalaşır.
Azərbaycan gənci haqlı olaraq fəxr edir ki, bu ölkənin vətəndaşıdır. Vətənə bağlılıq, Vətənə sevgi, Vətən maraqlarını, dövlət maraqlarını hər şeydən üstün tutmaq hər bir gəncin borcudur. Bu gün Dövlət gənclər siyasətinin prioritet istiqamətlərindən biri istedadlı gənclərə dövlət qayğısıdır. Bu sahədə görülən iş yaradıcı və istedadlı gənclərin aşkar edilməsi, onların yaradıcılıq qabiliyyətlərinin inkişaf etdirilməsi üçün əlverişli mühitin formalaşdırılması, eləcə də gənclərin asudə vaxtının səmərəli təşkil edilməsi üçün kompleks tədbirlərin həyata keçirilməsindən ibarətdir
Prezident İlham Əliyevin gənclərin potensialının gerçəkləşməsinə, onların vətənpərvər, savadlı kadr kimi yetişməsinə, gənc ailələrin sosial təminatına yönələn tədbirləri dövlətin uzaqgörən siyasətinin göstəricisi kimi qiymətləndirilməlidir. Bir sözlə, Prezident İlham Əliyevin hakimiyyətdə olduğu illərdə vətənpərvər, gənc nəsil yetişibdir. Biz qəhrəman gəncliyimizlə fəxr edirik.

İsrafil Kərimov – Azərbaycan Jurnalistlər Birliyinin üzvü
]]>

Xəbər verdiyimiz kimi, Dövlət Gömrük Komitəsi (DGK) 3 aydan çoxdur ki, hər hansı bir səbəb göstərmədən əməkdaşlarının əməkhaqlarını ödəmir. DGK sədri Şahin Bağırov Gununsesi.info-ya açıqlamasında deyib ki, maaşların gecikməsinə texniki məsələlər səbəb olur.
Sitat: “Texniki məsələlər həll olunduqdan sonra hamı maaşını alacaq. Burada ajiotaj yaratmağa ehtiyac yoxdur”.

Göründüyü kimi, DGK sədri texniki səbəblərin nə olduğunu açıqlamır. Üstəlik, dolayısı ilə medianı ajiotaj yaratmaqda ittiham edir. Halbuki maaşların 3 aydır verilməməsi, səbəb nə olursa, olsun, ən böyük ajiotajdır. Bu ajiotajın müəllifi isə DGK rəhbərliyidir.

Globalinfo.az-a danışan siyasi şərhçi Heydər Oğuzun sözlərinə görə, Dövlət Gömrük Komitəsi büdcədən maliyyələşməyən qurumdur.

O deyib ki, bu təşkilatın qazancı elə özlərində olur:
“Onlar ölkəyə gələn və çıxan mallardan, xüsusilə daxil olanlardan müəyyən rüsumlar alırlar. Bununla da dövlət büdcəsinin mühüm bir hissəsinin yaranmasında rolları var. Bu mənada onlarda maliyyə sıxıntısının mövcudluğu həqiqətən də anlaşılmazdır. Azərbaycanda büdcənin üç əsas təməl qaynaqlarından biri DGK-dir. İndi bunlarda 3-4 aydır maaşların gecikməsi, qeyri-müəyyənliyin hökm sürməsi həqiqətən də çox ciddi bir vəziyyətdən xəbər verir. Belə görünür ki, Gömrük Komitəsində nələrsə yerində deyil. Hesab edirəm ki, Şahin Bağırov bu cür yerində olmayan və hansısa problemlərin mövcud olmasından yaranan prosesi araşdırıb, onlara bir aydınlıq gətirməlidir. Aydınlıq gətirmək əvəzinə “burada ajiotaj axtarmağa ehtiyac yoxdur” deməməlidir”.

H.Oğuzun fikrincə, məsələ ilə bağlı ajiotaj var və bunu Şahin Bağırov yaradır:

“Maaş gecikə bilər, amma 1-2 gün, maksimum bir həftə. 3 ay maaş gecikər?! Şahin Bağırov məsələyə ciddi yanaşmalıdır. Ağılları əvvəlki vəziyyətlərə gedib. O zaman maaş almasalar da onların əhvalına təsir etmirdi. Çünki həmin dövrdə görünmədən yığılan vəsaitlər var idi. Lakin indi gömrükdə həmin vəziyyət yoxdur axı. Hazırda DGK-da işləyənlər quru maaşa baxırlar. Özləri ilə gömrüyün kasıb işçilərini, maaşla dolanan insanların vəziyyətini eyni tərəziyə qoymasınlar, camaatın pulunu versinlər. Sən öz işçilərinin maaşını təmin edə bilmirsənsə, dövlət büdcəsini necə maliyyələşdirəcəksən, necə onun əsas qaynaqlarından birinə çevriləcəksən?!”

İqtisadçı Natiq Cəfərli deyib ki, işçilərin maaşının aylarla verilməməsi əmək qanunvericiliyinin və işçi hüquqlarının pozulması deməkdir:

“Maaşların gecikmə səbəbi mənim üçün də maraqlıdır. Əvvəl belə bir məsələ dolaşırdı ki, DGK ayrıca qurum olaraq ləğv edilib, hansısa qurumlarla birləşdiriləcək. Əgər maaşların gecikməsi buna görədirsə, əsas səbəb budursa, orada çalışan işçi bunun əziyyətini çəkməməlidir”.

Lider.com.az]]>

Bakının Nərimanov Rayon İcra Hakimiyyətinin adı növbəti dəfə qalmaqalda hallanır.
"DİA-AZ" xatırladır ki, bir müddət əvvəl sözügedən RİH-in göstərişi ilə rayona aid Mənzil İstismar sahələrində çalışan süpürgəçilərin və DOST xətti ilə işə cəlb olunmuş digər sıravi işçilərin əməkhaqqılarından ucdantutma 100 manat pulun kəsildiyi haqda informasiyalar yayılmışdı.

Qeyd edək ki, bu fakt təsdiqini tapdı və nəhayətdə Nərimanovun icra başçısı postunu tutan Elgin Həbibullayev geri çəkilməli oldu, işçilərin əməkhaqqısına müdaxilənin qarşısı alındı.

İndi yenə də anoloji hal qeydə alınıb. Bildirək ki, son günlər əksər dövlət qurumlarında maaş problemi yaranıb və hətta bəzi dövlət qurumlarında ödəniş məsələsi ciddi problemə çevirlib.

Deyəsən bu hal Nərimanov RİH-dən də yan ötməyib və bildirilənə görə yenə də sıravi xadimə və süpürgəçilərin maaşları rəhbərlik tərəfindən qayçılanıb.

"DİA-AZ" xəbər verir ki, bu barədə paylaşım edən jurnalist Sima Babayeva hər süpürgəçinin maaşından 100 manat kəsildiyini iddia edən açıqlama ilə çıxış edib.

Lider.com.az ]]> Rəis oğlunu mühəndis, baldızı oğlunu müavini təyin etməsinə belə cavab verdi: "Məgər ölkəmizdə eyni ailə üzvlərinin bir təşkilatda işləməsinə dair nümunələr yoxdur?" https://lider.com.az/sosial/5317-ris-oglunu-muhndis-baldizi-oglunu-muavini-tyin-etmsin-bel-cavab-verdi-mgr-olkmizd-eyni-ail-uzvlrinin-bir-tskilatda-islmsin-dair-numunlr-yoxdur.html https://lider.com.az/sosial/5317-ris-oglunu-muhndis-baldizi-oglunu-muavini-tyin-etmsin-bel-cavab-verdi-mgr-olkmizd-eyni-ail-uzvlrinin-bir-tskilatda-islmsin-dair-numunlr-yoxdur.html lider Thu, 30 Jan 2025 12:01:14 +0400

Dövlət Su Ehtiyatları Agentliyində islahatlar aparılsada bir çox qurumların idarə rəisləri yenə də "köhnə qaydalarla" işləməkdə davam edir.
Mia.az xəbər verir ki, "ənənəvi metodlara" sadiq qalan idarə rəislərindən biri də Biləsuvar Suvarma Sistemləri İdarəsinin müdiri Ədalət Babayevdir.

Dövlət Su Ehtiyatları Agentliyinin sədri Zaur Mikayılovun əmri ilə yenidən Biləsuvar Suvarma Sistemləri İdarəsinin rəis təyin edilən Ədalət Babayev adı çəkilən qurumda "ailə podratı" yaradıb.

Saytımıza daxil olan məlumata görə Ədalət Babayev oğlunu mühəndis, baldızı oğlunu isə müavin təyin edib. Bildirilir ki, Ədalət Babayev oğlu Orxan Rəşidlinin vəzfisəni 4 ay müddətində 3 dəfə dəyişib. Belə ki, Orxan Rəşidli sınaq müddətində ilk öncə 1-ci texnik təhcizatda mühəndis, sonra ümumi şöbədə mühəndis, daha sonra isə su bölgüsündə mühəndis təyin edilib.

Digər məlumatda bildirilir ki, hazırda Biləsuvar Suvarma Sistemlərini Ədalət Babayevin baldızı oğlu və müavini Elsəvər Həsənov idarə edir. Yanacaq məsələlərindən tutmuş, texnikaların təhcizatı və hərəkətinə qədər bütün işləri əlinə alan Elsəvər Həsənovun yaxın gələcəkdə Ədalət Babayevin dəstəyi ilə başqa bir rayona idarə rəisi təyin ediləcəyi iddia edilir. (Azfakt.com)

***

Biləsuvar Su Meliorasiya Sistemləri İstismarı İdarəsinin rəisi Ədalət Babayev haqqında bir sıra saytlarda yayılan məlumata münasibət bildirib.

Mia.az-ın məlumatına görə, o, Faktinfo.az saytına açıqlamasında təyinatları belə izah edib:

"Birincisi, oğlum Orxan Rəşidli struktur islahatları aparılana qədər rəhbəri olduğum idarədə işləməyib. O, Cənub Muğan Kanalı İstismar İdarəsində müxtəlif işlərdə,o cümlədən qısamüddətli kanal rəisi vəzifəsində çalışıb.Belə ki,bir neçə idarə, o cümlədən Cənub Muğan Kanalı İstismar İdarəsi Biləsuvar Suvarma Sistemləri İdarəsinə birləşdirildi,Orxan 12-ci dərəcədən, 9-cu dərəcəyə endirilməklə müvafiq ixtisas üzrə köçürmə yolu ilə rəhbərlik etdiyim idarəyə su bölgüsündə mühəndis işinə göndərildi. Bu da mənim istəyimlə olmayıb.

İkincisi də, oğlum hardasa işləməli deyildi ki? 628 bal toplamış, iki universitet bitirmiş şəxs çalışmamalı idi ki, günlərin birində baş verəcək struktur islahatları nəticəsində bölgüdə atasının rəhbərlik etdiyi idarəyə düşə bilər? Bunu da saytlar yazacaq.Bu nə yanaşmadı indi? Orxan neyləsin, Biləsuvar rayonundan gedib, başqa bölgədə işləsin? Məgər ölkəmizdə eyni ailə üzvlərinin bir təşkilatda işləməsinə dair nümunələr yoxdur? İndi də oğlumun işləməsini həzm edə bilmirlərsə, iş yerini dəyişdirsinlər."

İdarə rəisi müavini Elsevər Həsənov haqqında yazılanlara da aydınlıq gətirib.

"Müavinim Elsevər Həsənov çox savadlı, işinə məsuliyyətlə yanaşan şəxsdir. Yüksək bal toplamış, iki universitet bitirmiş gəncdir. Onun haqqında da həqiqətə uyğun olmayan məlumat yazıblar. Yəni qeyd etmək istəyirəm ki, yanacaq, texnikaların təchizatı və hərəkətinə kimi məsələlərin müavinim Elsevər Həsənova heç bir aidiyyatı yoxdur. Vurğulanan məsələlər vəzifə bölgüsü baxımından idarənin baş mühəndisinə aid işlərdi. O da öz vəzifəsi ilə məşğuldur. Həmçinin yazıldığı kimi deyil, mən rəhbər şəxs təyin etmirəm, elə bir səlahiyyətim yoxdur, Elsevər Həsənov da tabe olduğumuz baş idarə tərəfindən müavin kimi idarəyə təyin olunub. Onu bir müddətdən sonra başqa bir idarəyə rəis göndərəcəyimə dair yazılan fikrə gəlincə, qeyd etdiyim kimi bu mənim səlahiyyətim daxilində deyil, yalan xəbərdir.Yeri gəlmişkən, niyə görülən işlərdən, əldə olunan uğurlardan yazmırlar?

Yeri gəlmişkən, Su Ehtiyatları Agentliyində sədr Zaur Mikayılovun iki qudası da yüksək vəzifə tutur.

MİA.AZ

Lider.com.az]]>