Aktual - Lider.com.az

Aktual - Lider.com.az https://lider.com.az/ tr Aktual - Lider.com.az DataLife Engine “Ağsu Rayon İcra Hakimiyyətinin başçısı məni acılayıb dedi ki..” - İDDİA+ŞİKAYƏT https://lider.com.az/region/5331-agsu-rayon-cra-hakimiyytinin-bascisi-mni-acilayib-dedi-ki-ddaskayt.html https://lider.com.az/region/5331-agsu-rayon-cra-hakimiyytinin-bascisi-mni-acilayib-dedi-ki-ddaskayt.html lider Fri, 31 Jan 2025 10:55:23 +0400

“Ağsu Rayon İcra Hakimiyyətinin başçısı Rövşən Bağırov yanvar ayının 23-də Muradlı kəndində səyyar qəbul keçirdi. Mən də bir çox problemi olan kəndlilər kimi görüşə getdim. Çox sevindim ki, o bizi şəxsən qəbul edib, problemlərimizlə maraqlanacaq. Çünki belə görüşlər nadir hallarda keçirilir. Mənim də Ağsuda, Şirvan kanalının üzərində pay torpağım var. Çox təəssüf ki, Ağsuda fəaliyyət göstərən “Az-Granata” MMC şirkətinin ucbatından oranı istifadə edə bilmirəm. Onlar mənim torpaq sahəmdən kanalizasiya xətti çəkiblər. Bu kanalizasiya xətti düzgün çəkilmədiyi üçün mənim sahəmi batırır. Bu problemlə bağlı ayağa qalxıb icra başçısına müraciət etmək istədim. O məni elə acıladı ki.. İmkan vermədi heç ağzımı açım. Dedi ki, sən kimsən ki, mənə bu sözləri deyirsən? Başa düşmədim, ora nə üçün gəlmişdi?”
Bunu Moderator.az-a açıqlamasında Ağsu rayonu Muradlı kənd sakini Eyyub Əkbərov deyib. O daha sonra digər iddialarını səsləndirib:

“İcra Başçısına dedim ki, biz sizi dinlədik, nə olar ki, indi siz bizi dinləyəsiz? Bura problem dinləməyə gəlməmisiz ki? O isə bu sözlərin qarşılığında İcra nümayəndəliyinə və kənd Bələdiyyəsinə dedi ki, belə adamları bir də iclasa buraxma! Sonra baxıram ki, həmin görüşdən video görüntüləri öz yutub səhifələrində yerləşdiriblər, amma mənim çıxışım orada öz əksini tapmayıb. Demək ki, onlar problemləri dinləməyə yox, sadəcə görüş xatirinə səyyar görüşə gəliblər. Guya insanların heç bir problemləri yoxdur. Ancaq özlərinə sərf edən çıxışları yerləşdiriblər. İcra başısından xahiş edəcəkdim ki, məhkəmədə mənim işimə yaxşı baxsınlar. Söz deyə bilmirəm, yaxşı mən nə etməliyəm? Əgər problemlərimizi həll etməyəcəkdizsə, niyə bəs icra başçısı kimi gəlmisiz? Cənab prezidentimiz dəfələrlə tapşırıb, göstəriş verib ki, yerli icra başçıları insanların problemləri ilə yaxından maraqlansınlar. Amma biz bunun əksini görürük. Sona qədər oturub görüşdə sakitcə dinlədim. Bu gün Ağsuda hektarlarla 150 parnik var. İnsanlar iş axtarır. Bomboş qalıb, kənd camaatı iş axtarır. Niyə onları işlətmirsiz? Bilmirik dərdimizi kimə deyək?” deyə kənd sakini bildirib.

Lider.com.az]]>

Fövqəladə Hallar Nazirliyi Tikintidə Təhlükəsizliyə Nəzarət Dövlət Agentliyi “Azkommunlayihə” Kommunal Layihələndirmə İnstitutu yeni tender keçirib.
Tribunainfo.az xəbər verir ki, nazirlik FHN İdman-sağlamlıq klubunda voleybol meydançası üçün Video Challange sisteminin satınalınmasını həyata keçirəcək.

FHN bununla əlaqədar “QAFQAZNET” MMC ilə satınalma müqaviləsi bağlayıb. Layihənin həyata keçirilməsinə isə 205.375,46 manat xərcləyəcək.

Qeyd edək ki, FHN-lə “Qaqaznet” arasında bu, ilk sövdələşmə deyil. Bundan əvvəl də nazirlik bir neçə iri tenderlərini bu şirkətə həvalə edib. Məsələn, FHN Maddi Texniki-Təchizat İdarəsi 2023-cü ildə 3 tenderini “Qafqaznet” MMC-yə verib. Təkcə iki müqavilənin dəyəri 3 724 670 manat təşkil edib.

Elə ötən il də analoji tenderlər reallaşdırılıb.

Bildirək ki, 2015-ci ildə təsis edilən “Qafqaz Net” MMC “Gilan Holdinq” daxilində biznes strukturları arasında mərkəzləşdirilmiş şəbəkə infrastrukturunun yaradılması və internet xidmətinin verilməsini həyata keçirir. Şirkətin rəhbəri Cəfərov Adil Ələddin oğludur.

Açıq mənbələrdə isə iddia olunur ki, “Gilan Holdinq” FHN rəhbəri Kəmaləddin Heydərova yaxın şirkətlərdən biridir.

Tribunainfo.az

Lider.com.az
]]>

Son zamanlar bank kartlarına olunan kiber hücumların sayı artıb. Əsas hədəfin isə Kapital Bank olduğu deyilir. 3 gün öncə Birbank-ın mobil tətbiqində yaranan problemin səbəbi Rusiya ilə əlaqələndirilir. Belə ki, iddialara görə, ruslar hücum edib, ona görə bank məcbur qalıb kartları bloklayıb.
Bir vacib detal isə Milli qəhrəman Hökumə Əliyevanın atasının hesabından pulun çəkilməsi ilə bağlıdır. Bu hadisədə də hədəf məhz Kapital Bank seçilmişdi. Rəsmi məlumatlarda bildirilir ki, pulu oğurlayanlardan biri Ayaz İsgəndərovun cinayət ortaqları xarici ölkə vətəndaşlarıdır. Amma onların hansı ölkə vətəndaşları olduğu açıqlanmadı. Bu məsələdə də şübhələr Rusiyanın üzərinə dikilir.

Doğrudanmı banklara hücum xaricdən təşkil edilir? Bu məsələdə niyə izlər Rusiyaya gedib çıxır?

Globalinfo.az-a danışan İnformasiya Kommunikasiya Texnologiyaları üzrə mütəxəssis Elvin Həsənovun sözlərinə görə, bu kimi hallarda dələduzlar tez-tez özlərini bank əməkdaşı kimi təqdim edərək, müştərilərdən şəxsi və maliyyə məlumatlarını əldə etməyə çalışırlar.

Onun fikrincə, sübutlar olmadan iddia etmək doğru deyil:

“Bir neçə gün öncə Kapital Bank-ın mobil tətbiqi Birbank-da texniki problemlər yaşandı. Rəsmi açıqlamaya görə, bu, texniki nasazlıq idi. Eşidirik ki, bəzi mənbələr bunun kiberhücum nəticəsində baş verdiyini iddia edir. Azərbaycanın maliyyə sektoruna qarşı xaricdən edilən hücumlar mümkündür. Çünki banklar strateji əhəmiyyət daşıyan qurumlardır və xarici kiberqrupların hədəfinə çevrilə bilərlər. Ancaq bu söylənlilər yalnız ilkin fərziyyədir və konkret sübutlar olmadan qəti qərar vermək çətindir. Ümumilikdə götürsək, kiberhücumların xarici mənbələrdən təşkil edilməsi də mümkündür. Yəni hər bir hadisə fərqli olduğundan, dəqiq məlumatlar yalnız rəsmi araşdırmalar nəticəsində əldə edilə bilər”.

Politoloq Yalçın Hacızadə deyib ki, texnologiyanın sürətlə inkişafı özü ilə problemlər də gətirir:

“Ona görə də həm dövlət qurumları, həm də ayrı-ayrı kommersiya müəssisələri həyata keçirdikləri funksiyalarının əlçatanlığını təmin etmək məqsədi ilə elektron xidmətlər təşkil edirlər. Yəni yeni texnologiyanın yaranması eyni zamanda sosial dəyişiklik və yeni davranış qaydaları formalaşdırır. Bu dəyişikliklərdən də bəziləri yaxşı işlər üçün istifadə edərək, yeni avadanlıqlar, qurğular, proqramlar yaradaraq insanlara, cəmiyyətə, dövlətə fayda verir. Bəziləri də başqalarına zərər vermək üçün istifadə edir. Zərərverənlər daha çox fiziki şəxslərə məxsus bank hesablarından pulların oğurlanması ilə gündəmə gəlirlər. Belə cinayətlərin qarşısının alınması üçün ölkəmizdə dövlət səviyyəsində mübarizə aparılır və bunun üçün müxtəlif kibermübarizə təşkilatları yaradılıb. Eyni zamanda, bununla bağlı beynəlxalq əlaqələr də qurulur”.

Politoloq təəssüf hissi ilə ölkəmizdə də belə halların sayının artdığını qeyd edib:

“Demək olar ki, hər gün kimlərinsə bank hesabından müxtəlif yollarla pul oğurlanması xəbərləri yayılır. Bu, əsasən insanların məlumatsızlığından və bankların işinin təşkilində olan boşluqlardan istifadə edilməklə törədilir. Qanunlar zərurətdən yaranır. Gərək, hansısa sahə üzrə məsələ, problem ola ki, qanunvericiliyin həmin sahəni tənzimləməsi zərurəti yarana. Ona görə hesab edirəm ki, bu sahədə qanunlarımız da təkmilləşməlidir. Çünki son zamanlar bu sahədə kifayət qədər nöqsanlar ortaya çıxır. Adətən, insanların hesablarından pulun oğurlanmasına görə məsuliyyət hesab sahibinin üzərində qalır. Çünki banklar əməliyyatı hesab sahibinin özünün apardığını və ya onun icazəsi ilə hesabına müdaxilə edildiyini bildirir. Həmçinin, belə cinayət əməllərini törədənlərin xarici şəxslərlə əlaqəsi olur, ya da xarici telefon nömrələrindən istifadə edilərək törədilir. Bu da cinayətlərin üstünün açılmasında problem yaradır”.

Yalçın Hacızadə hücumun konkret hansı ölkədən edildiyindən məlumatsız olduğunu vurğulayıb:

“Kapital Bankda son günlər baş verən hadisənin texniki problem olduğunu, ya da kənardan müdaxilədən yarandığını deyə bilmərəm. Kapital Bank ölkəmizdə bank və maliyyə sektorunda əsas paya malikdir, müştəri bazası daha çoxdur. Ona görə mümkündür ki, zərərçəkən insanlar daha çox həmin bankın müştəriləridir”.

Lider.com.az]]>

"Neftçilərin Hüquqlarının Müdafiə Təşkilatı"nın rəhbəri Mirvari Qəhramanlının qızı 50 manat cərimə edilib.
Musavat.com xəbər verir ki, buna səbəb hüquq müdafiəçisinin qızı Sara Rəhmanovanın çalışdığı “Müasir Psixologiya Mərkəzi” MMC-də hüquqşünas Vüsal Həsənovla mübahisə edən zaman onu təhqir etməsi olub.

Sara Rəhmanova barəsində polislər tərəfindən inzibati xəta haqqında protokol tərtib edilərək baxılması üçün məhkəməyə göndərilib. Nərimanov Rayon Məhkəməsi Sara Rəhimovanın 50 manat cərimlənməsi ilə bağlı qərar qəbul edib.

Sara Rəhimova qərardan narazı qalıb. Bildirib ki, hadisə zamanı özü təhqir edilib.

Mirvari Qəhrəmanlı hadisə barədə məlumat verən zaman bildirib ki, qızı Sara Rəhmanova 10 ildən artıqdır ki, həmin MMC-də işləyirmiş. İşlədiyi müddət ərzində işçilər və işəgötürənlə heç bir konflikti olmayıb.

Onun sözlərinə görə MMC-yə iki ay əvvəl Vüsal Həsənov adlı şəxs gələndən sonra narazılıqlar yaranıb:

“Mərkəzin rəhbəri Aidə Nəbiyeva onu hüquqşünas kimi təqdim etsə də, o özünü Mərkəzin rəhbəri kimi aparırdı. İşçilərlə kobud rəftar edib, təhqiredici ifadələr işlədirdi, xüsusən qadınlara qarşı. İki ay ərzində 5 nəfər onun tələbi ilə işdən azad edilib. Onlardan biri qadın idi. 16.01.2025-ci il tarixində rəsmi sənədlə Mərkəzdə hər hansı bir səlahiyyət sahibi olmayan, lakin Mərkəz rəhbərliyi tərəfindən xüsusi səlahiyyətlər verilmiş (hansı əsasla?) Vüsal Həsənov qızımı Mərkəzin rəhbəri Aidə Nəbiyeva və onun əmisi (yəqin ki, sahibi) Azər Piriyevin yanında küçə söyüşləri ilə təhqir edib. Bunu Mərkəzin bir neçə işçisi də eşidib.

Qızım 2025-ci il yanvarın 16-da özünü pis hiss etdiyi üçün Azər Piriyevdən icazə almaq istəyib. Həmin vaxt Azər Piriyev Vüsal Həsənovun otağında olub. Qızım da icazə almaq üçün Vüsal Həsənovun otağının qapısını döyüb və Azər Piriyevə müraciət edib, vəziyyətini izah edib. Azər Piriyevlə onun otağında danışması Vüsal Həsənovun xoşuna gəlməyib. Qızımın üstünə qışqırdı ki, rədd ol otaqdan, mənə mane olursan. O, yenə də vəziyyəti izah etməyə çalışıb, amma Vüsal Həsənov onu küçə söyüşləri ilə təhqir edib, alçaldıb. Aldığı pisixi zərbələrdən halı daha da pisləşib. Vüsalın hədə qorxusundan, söyüş və təhqirlərindən qorxaraq "102"-yə zəng edib, polis çağırıb. Nərimanov Rayon Polis İdarəsinin əməkdaşları Mərkəzə gəlib zərərçəkmişdən əvvəl Vüsal Həsənov və Mərkəz rəhbərliyi ilə görüşüblər, qızımdan isə qısa bir izahat yazmağı tələb ediblər. Köməyə çağırdığı polis araşdırmadan, həmin saatda Mərkəzdə olan Vüsal Həsənovun söyüşlərini eşidən başqa işçilərdən izahat almayıb. Qızıma isə deyib ki, siz Vüsalı təhqir etmisiniz. Məgər polis həmin an Vüsalın kabinetində olmuşdu ki? Əgər qızım Vüsalı təhqir etmişdisə, niyə kömək üçün Polisə müraciət edirdi ki?" - deyə Mirvari Qəhrəmanlı qeyd edib.

Bildirək ki, Vüsal Həsənov da Sara Rəhmanovanı təhqir etdiyi üçün 50 manat cərimə olunub.

Qeyd edək ki, hadisədən sonra Sara Rəhmanova işdən də çıxarılıb.

Lider.com.az]]>

“İslamda olan salavatın Peyğəmbərdən başqasına dəxli yoxdur”
“Söhbət İslamdan gedirsə, bu dində “salavat çəkilməsi” anlayışı yoxdur. Salavat çəkilmir yaxud çevrilmir. Xaç çevirmək var o da xristianlardadır. Salavat Peyğəmbərə salam göndərməkdir. Mənası belədir: “Allahım, Muhəmməd peyğəmbərə və ailəsinə salam göndər, necə ki, İbrahim peyğəmbər və onun ailəsinə göndərdin”.

Bunu Redaktor.az-a açıqlamasında ilahiyyaçtı Tural İrfan deyib.

O, İslam dinində olan salavatın Peyğəmbərdən başqa kimsəyə aidiyyatı olmadığını bildirib:

“İslamda olan salavatın Peyğəmbərdən başqasına dəxli yoxdur. Nə şəhidlərə, nə də başqa bir şəxsə. O mərhumlar üçün dua etmək, onlara salam göndərmək olar. Yoxsa salavatın Peyğəmbərdən başqasına aidiyyatı yoxdur. Fars xurafatları təəssüf ki, ölkəmizdə dinə çevirib. Tənzilə Rüstəmxanlı düz deyir. Yas yerlərində, ziyarətlərdə bir dəstə var ki, xaricdən mayalanan fars ideoloji-siyasi düşüncəsini, pərəstiş etdiyi şəxsləri duanın, salavatın arasına dürtüşdürür. Şəhidlərə vəfat etmiş axundun nə dəxli? Azərbaycanda yüzlərlə ziyalı axund vəfat edib. Vaxtilə axund Əbu Turab olub ki, indikilər onun ayağının tozu olmaz. Sadəcə cahil bir təbəqə var ki, Allaha yox, şəxsiyyətlərə pərəstiş edirlər. O şəxsiyyətləri də qəsdən harada gəldi, yerli – yersiz oraya atırlar. Bu, doğru deyil. Şəhidlərə dua etmək başqadır, Peyğəmbərə salavat göndərmək başqadır, digər şəxsin ruhuna dua etmək isə tam başqadır”.

İlahiyyatçı bu cür şeylərin dinimizə farslardan keçdiyini bildirib:

“Salavat duadır və oxunur. Salavat çəkilmir, çevrilmir, nə də sağ əl üzə çəkilmir. Bu, təkcə bizim əhali arasındadır. Bu isə bizə də farslardan keçib. Müsəlman dua edərkən hər iki əlini üzə çəkir. Qədim farslar isə ikitanrılı olduqları üçün sol əl şər tanrısı Əhriməni, sağ əl də xeyir tanrısı Ahuraməzdanı təmsil edirdi. Ona görə də xeyir istəyərkən dağ əli üzə çəkirdilər. Yəni, sözü gedən mübahisənin, kiməsə “salavat çəkməyin yaxud göndərməyin” İslama dəxli yoxdur. Ölü üçün, istər şəhid olsun, istər digəri, yalnız dua etmək, Quran oxuyub savabını ona ətf etmək olar. Salavatı fars yönlülər siyasi parol və şüar olaraq istifadə edirlər. Ona görə də başqalarının adına salavat çəkmək fikri ortaya çıxıb. Yəni, məqsəd Peyğəmbərə salam yollamaq deyil, məqsəd kiminsə qəsdən adını çəkib etiraz yaratmaqdır. Yəni, dinin atributlarından sui-istifadə etmək. Dini camiəmiz hələ o qədər geridə qalıb ki, Quranı üzündən oxuya bilmir, amma ölülələrə pərəstiş edir, özünü dindar göstərib dinə qarşı ikrah yaradır. Belə olmaz. Birmənalı təbliğat sağlam aparılmalıdır. Biri yönünü İrana, biri də Turana çevirir. Belə olarsa vəhdət, həmrəylik qalmaz. Hamı bir hədəfə yönəlməlidir. Dövlətin, dövlətçiliyin, xalqımızın dəyərlərinin yanında olmalıdır bütün inanclılar. Din məhəbbət və mərhəmətdir. Amma bəziləri nifrət və təfriqə salırlar. Bunlar da İrandan təsirlənən təbəqədir”.

Qeyd edək ki, ötən gün Milli Məclisin İctimai birliklər və dini qurumlar komitəsinin iclasında millət vəkili, VHP sədrinin müşaviri T.Rüstəmxanlı şəhidlərlə yanaşı Hacı Şahinə də salavat gətirilməsinə etiraz edib.

Lider.com.az]]>

"Azərbaycan Respublikası Dövlət Şəhərsalma və Arxitektura Komitəsi sədrinin birinci müavini Namiq Hümmətov və adıçəkilən komitənin nəzdindəki Ərazi Tikinti-Planlaşdırma Mərkəzinin İdarə Heyətinin sədri Ramin Abdullayevin Qarabağda yediyi milyonlarla bağlı maraqlı faktlar ortaya çıxıb. Uzun illərdir ki, Azərbaycandan xaricə külli miqdarda vəsait çıxaran, Türkiyə, Birləşmiş Ərəb Əmirliyi kimi ölkələrdə çoxlu sayda daşınmaz əmlaka yiyələnən adıçəkilən cütlük, müqəddəs Qarabağda da rüşvətsiz və talansız ötüşə bilməyib.
Bu barədə "DİA-AZ"a daxil olan məqalədə deyilir.

Məqalədə daha sonra bildirilir: "Hesablama Palatasının “Cəbrayıl, Qubadlı və Zəngilan rayonlarında Bərpa, Tikinti və İdarəetmə Xidməti” publik hüquqi şəxsində apardığı yoxlamalar nəticəsində dövlət büdcəsinin talanması ilə bağlı dəhşətli faktlar ortaya çıxarıb. Məlum olub ki, sözügedən qurum təmit-tikinti adı ilə böyk vəsaitlər mənimsəyib, habelə keçirilən tenderlərdə yalnız özlərinə yaxın şirkətlərin iştirakına şərait yaradıb. Təmir-tikinti və bərpa prosesində yer alan “kənar şirkətlər” isə tenderlərdən verdikləri yüksək “atkat” qarşılığında qalib çıxıb. Bundan başqa, məlum olub ki, tikilməli olan, yaxud tikildiyi iddia olunan bəzi obyektlər ümumiyyətlə tikilməyib və yalnız kağız üzərində var olub.

Qeyd edək ki, Namiq Hümmətov “Qarabağ İqtisadi Rayonunda Bərpa, Tikinti və İdarəetmə Xidməti” publik hüquqi şəxsin Müşahidə Şurasının üzvüdür və tikinti prosesinə şəxsən nəzarət edir. Onun razılığı olmadan Qarabağla bağlı hansısa tenderin keçirilməsi, hansısa şirkətin bu tenderdən qalib çıxması mümkün deyil.

Namiq Hümmətov və onun sevimlisi Ramin Abdullayevin şəhdi qanı tökülən torpaqlarda mənimsədiyi milyonlar nəticəsində Qarabağda dövlət əhəmiyyətli bir sıra layihənin taleyi sual altına düşüb. Hazırda bu layihələrin aqibətinin necə olacağı məlum deyil..."

Lider.com.az]]>

Bakının Nərimanov rayonunda özbaşına tikinti halları pik həddə çatıb.
Mia.az-ın məlumatına görə, tikinti şirkətləri yeri İcra Hakimiyyətinin müəmmalı susqunluğu nəticəsində sakinlərin həyatını təhlükəyə atmaqdan çəkinmirlər.

Aşağıda təqdim edilən videofaktdan da bu aydın görünür.

Belə ki, Çapayev küçəsində hündürmərtəbəli bina tikintisi aparan şirkət səkini - piyada yolunu da zəbt edib.

Bu isə piyadaları ölüm təhlükəsinə atıb.

Videofaktla tanış olun:

Lider.com.az ]]> Texniki Universitetdə BAZAR QAYDALARI... - Əgər rektor özünü "bazarkom" bilirsə... https://lider.com.az/aktual/5297-texniki-universitetd-bazar-qaydalar-gr-rektor-ozunu-bazarkom-bilirs.html https://lider.com.az/aktual/5297-texniki-universitetd-bazar-qaydalar-gr-rektor-ozunu-bazarkom-bilirs.html lider Wed, 29 Jan 2025 11:04:03 +0400

Azərbaycan Texniki Unversitetinin rektoru Vilayət Vəliyev Elmi Şuranı “Milli Məclisə” çevirib, bütün qanunsuzluqlara guya “qanuni” don geyindirir
Bu sözlər Azərbaycan Texniki Unversitetinin rektoru Vilayət Vəliyevin fəaliyyəti ilə bağlı daxil olmuş müraciətdə yer alır. Biz bu və digər iddialarla bağlı qarşı tərəfi də dinləmək istədik. Yazı ilə tanış olmaq istədilər və biz də, istəklərini cavabsız qoymadıq. Tanış olduqları iddiaların heç birinə cavab vermədilər. Susdular… Belə görünür ki, səslənən iddialarla razılaşmalı oldular.

Aktuallğını nəzərə alıb, müəyyən ixtisar və düzəlişlərlə yazını dərc edirik:

Azərbaycan Texniki Unversitetinin rektoru Vilayət Vəliyevin Universitetdə Cuməli müəllimə etdiklərini (Mühəndis fizikası və elektronika kafedrası), öz yaxınlarına verdiyi yüksək maaşları (3000-5000manat), baldızını, qızını, oğlunu və neçə-neçə əqrabasını universitetə doldurmasını, tədris-köməkçi heyətini çölə tökərək narazılıq yaratmasını, müəllimləri boş-boşuna dərsləri olmayan vaxt Unversitetə yığmasını (guya hansısa müəllim tətil vaxtı icazəsiz xaricə gedib, heç onu deyən yoxdu ki, oğlu və dostları xaricdə oxumaq adı ilə Unversitetin pullarını göyə sovurur), Nəqliyyata və loqistika fakultəsinin tələbəsini dekan Allahverdi ilə birləşib intihar vəziyyətinə çatdırmasını, ziyalıları, alimləri yaxşı vəzifə adıyla işə dəvət edib, onlara qarşı dələduzluq, “moşenniklik” etməsini, 6-cı korpusun yükdaşıyan dvarlarını sökdürüb, fundamentini zəiflədib (Unversitetin alimləri ona yazılı müraciət ediblər ki, sabah zəlzələ olsa qəza baş verməsi an məsələsidir), guya yeniləmə adı ilə inşaat materialları ilə özünə villa tikdirməsini, Unversitetin Elmi Şurasını “Milli Məclisə” çevirib, bütün qanunsuzluqlara guya “qanuni” don geyindirməsini, İqtisadiyyat kafedrasında 200 magistrin pulla dissertasiya işi yazdırdığını, müharibə vaxt oğlunu anasının “qoltuğu” altında gizlətməsini, orduya bir qəpik kömək etməməsini görməməzlik etmək olar. Ancaq bir neçə texniki sahə universitetindən bir nəfərdə qovulmasa da, AzTU-dan 117 gənc tələbənin qovulmasını ona bağışlamaq olmaz. Bu Azərbaycan gəncliyinə qarşı soyqırımıdır. Hesab etsək ki, Unversitetə 1 ildə orta hesabla 1000-dən yuxarı tələbə daxil olur, onda onların 10%-ə qədərini qovublar. Qovulmuş tələbələrin bərpası vaxtı, başlarına nə oyunlar açdıqları isə başqa məsələdir. Hələ oxuyan tələbələri dərsə davamiyyətə görə süründərənlər, gör, qovulmuşları bərpada nələr gözləyir. Bir soruşan lazımdır ki, niyə Universitet kimi həssas bir yerdə bu qədər narazılıq yaradırsan?

Bir saat auditoriyada olmayan, təhsil bilikləri olmayan, Vilayət Vəliyevi, özünü iqtisadçı adlandırdığına görə çox vaxt onu “bazardan” gələn adam adlandırılar. Qalstukunu, bərbəzəkli kostyumunu buşlatla əvəz etsən, heç bazarda ona yükdaşıyan “araba” etibar etmək olmaz. Ancaq nə etmək olar, insanları əvvəl-axır etdiyi əməllər üzə çıxardır.

Heç bir narazılığa məhəl qoymur, yaxınları narazılıq edənlərə “eşitdirirlər” ki, onsuz heç nə edə bilməyəcəksiniz, ən uzağı məktub Unversitetə gələcək və komissiya yaradılacaq, komissiyada “bazarkomun” dediyindən kənara çıxmayacaq. Ən maraqlısı isə pul, xərac kimi vəsaitlər danışıq yolu ilə deyil “jest”lərlə izah olunur (birdən səsyazan olar). “Jest”ləridə başa düşməyənə AzTU-da iş yoxdur. Hər dəfə mətbuatda Vilayət Vəliyevin qanunsuzluqlarından yazılanda bir neçə gün özünə gəlir, amma sonra yenə necə deyərlər “qozbeli qəbir düzəldər” məsələsi öz yerini tutur. Bir məsələdə də, AzTU antirekord qırır. Unversitetdə kitabsız kitabxana mövcuddur. İşçilərini dağıtdılar, böyük bir elmi əsərləri olan kitabxanada indi 2-3 işçi saxlanıb (bəzilərini ixtisara, bəzilərini elə-belə yola saldılar), yəni bir “həsir”, birdə “məmmədnəsir” qalıb. İnsanları “manqurtlaşdırmaq” üçün onların yaddaşını təmizləmək lazımdır. Allah Çingiz Aytmatova rəhmət eləsin.

Bircə ümidimiz göydə Uca Allaha, yerdə Möhtərəm Prezidentə qalıb. Biz əminik ki, bu yazılanların çox yox 10%-i onlara gedib çatsa hər şey yaxşı olacaq.

yenixeber.org

Lider.com.az]]>

“Milli Məclisin İctimai birliklər və dini qurumlar komitəsinin son iclası ilə bağlı mətbuatda gedən məlumatlarda deputat Tənzilə xanımın fikirləri geniş şəkildə işıqlandırılmayıb. Belə ki, onun şəhidlərlə bərabər Hacı Şahinə də salavat gətirilməsinə etirazı xüsusi qabardılaraq məsələ yanlış təqdim edilib”

Bu, Vətəndaş Həmrəyliyi Partiyasının (VHP) yaydığı bəyanatda qeyd olunub.

Bildirilib ki, Tənzilə Rüstəmxanlının çıxışında Hacı Şahinin ruhunu incidəcək bircə kəlməsi də olmayıb.

“Dünyada hörmət sahibi olan din xadimləri çoxdur, lakin onlar şəhadətə Allah və millət yolunda qovuşmayıblarsa, şəhid sayıla bilməzlər. Allah Hacı Şahinə rəhmət eləsin. Xalqımız arasında böyük hörmət-izzəti var idi, ruhu sayğı ilə anılır. Vaxtsız ölümünə hər kəs ürəkdən acıdı. Amma Hacı Şahin şəhid deyil axı! Hacının adı hər yerdə hörmətlə xatırlanır, adına minlərlə insan hər gün salavat çevirir. Vacib deyil ki, o həm də şəhid sayılsın. Bunu heç özü də məqbul saymazdı”, - bəyanatda deyilir.

Qeyd edək ki, ötən gün Milli Məclisin İctimai birliklər və dini qurumlar komitəsinin iclasında millət vəkili, VHP sədrinin müşaviri T.Rüstəmxanlı şəhidlərlə yanaşı Hacı Şahinə də salavat gətirilməsinə etiraz edib.
(Modern )

Lider.com.az]]>

Azərbaycan Avtomobil Yolları Dövlət Agentliyinin (AAYDA) ölkə üzrə fəaliyyət göstərən idarələrinin işçiləri əməkhaqqı ala bilmirlər.
Agentlik işçilərinə dekabr ayının əməkhaqqını ödəməyib, bu isə Yeni il ərəfəsində işçilərin ciddi maddi problemlərlə üzləşməsinə səbəb olub. Artıq yanvar ayı da başa çatmaq üzrədir, lakin maaşlar hələ də ödənilməyib. Bu hal işçilər arasında kütləvi narazılıqlara yol açıb.

Musavat.com-un əldə etdiyi məlumatlara əsasən, AAYDA-nın Bakıda yerləşən idarələrində çalışanların bir qismi maaşlarını alsalar da, rayonlarda fəaliyyət göstərən işçilər hələ də əməkhaqqı gözləyir.

Bu gecikmələr işçilərin maliyyə vəziyyətini ağırlaşdırıb. Bir çox işçi kredit borclarını ödəyə bilmədiyi üçün əlavə faizlər və cərimələrlə yüklənib. Əməkhaqqının vaxtında ödənilməməsi onların ailəvi vəziyyətinə də mənfi təsir göstərib. Fevralın 4-də həm dekabr, həm də yanvar ayının maaşı ödənilməli olsa da, işçilər bu müddətin də keçəcəyi və maaşların yenə gecikəcəyi ilə bağlı narahatdırlar.

İşçilərin narazılığı artır

Mənbələrin bildirdiyinə görə, idarə rəhbərləri maaşların nə zaman ödəniləcəyi ilə bağlı heç bir konkret məlumat vermirlər. Əməkhaqqının gecikməsinin səbəbi və ödəniləcəyi vaxtla bağlı işçilərə hər hansı açıqlama verilməməsi onların narahatlığını daha da artırır.

"Yeni il qabağı maaşsız qalmaq bayram planlarımızı alt-üst etdi. Gündəlik ehtiyaclarımızı qarşılamaq üçün borclanmağa məcbur olduq və bu proses hələ də davam edir", - deyə işçilərdən biri redaksiyamıza bildirib.

İşçilərin maliyyə vəziyyəti daha da ağırlaşıb

Bir neçə işçi artıq iki aylıq maaşlarının ödənilməməsi səbəbindən ailələrini dolandırmaqda çətinlik çəkdiklərini, gündəlik ehtiyaclarını təmin edə bilmədiklərini vurğulayıb. Xüsusilə kredit borcu olanlar əlavə faizlər səbəbindən daha da çətin vəziyyətə düşüblər.

AAYDA-nın bir əməkdaşı adının açıqlanmaması şərti ilə redaksiyamıza bunları deyib:

"Biz hər ayın maaşını növbəti ayın 4-ü alırdıq. Amma artıq yanvar bitir, hələ dekabrın maaşını ala bilmirik. Soruşuruq, deyirlər ki, "büdcə ayrılmayıb". Nə məsələdir, bilmirik. Yeganə bildiyimiz odur ki, işləyirik, amma maaş verilmir. Maaşımız onsuz da çox deyil, ancaq ailəmizin ehtiyaclarını və kredit borclarını ödəməyə çatır. Maaş gecikdiyi üçün banklar hər gün zəng edir, borclarımıza faiz gəlir. Borc alıb evimizə çörək alırıq. Belə nə vaxta qədər davam edəcək? Fevralın 4-də maaşlarımızı almasaq, vəziyyət daha da pisləşəcək".

AAYDA isə deyir ki...

AAYDA rəhbərliyindən bu problemə dair işçilərə heç bir aydın və rəsmi açıqlama verilməməsi işçilərin narazılığını daha da artırır. Problemə təcili həll yolu tapılmaması isə daha böyük gərginliyə yol aça bilər.

Məsələ ilə bağlı Azərbaycan Avtomobil Yolları Dövlət Agentliyinin mətbuat katibi Anar Nəcəfli Musavat.com-a bildirib ki, maaşlar ödənilib:

"Agentlik tərəfindən maaşlar vaxtında ödənilib. Ola bilər ki, hansısa idarə gecikdirib, amma maaşlar biz tərəfdən vaxtında ödənilib".

Maraqlıdır, birdən çox rayonda maaşlarını ala bilməyən əməkdaşlar var. Amma agentik deyir ki, "biz ödəmişik". Onlar ödəyib, maaşları almalı olanlar almayıb.

O zaman ortaya sual çıxır - bu pullar haradadır?

musavat.com

Lider.com.az]]>